မြန်မာအဘိဓါန်မှာ “ထေရ၀ါဒ ဗုဒ္ဓဘာသာသည် ရှင်မဟာ ကဿပ စသော မထေရ်ကြီးတို့မှ အစဉ်မပျက် ဆင်းသက်သော ဗုဒ္ဓသာသနာဖြစ်သည်” လို့ ဖွင့်ဆိုထားပါတယ်။
ထေရ၀ါဒနဲ့ မဟာယာန ဗုဒ္ဓဘာသာ ဂိုဏ်းနှစ်ဂိုဏ်းလုံးရဲ့ အခြေခံ သဘောတရားတွေကတော့ သစ္စာလေးပါး၊ မဂ္ဂင်ရှစ်ပါး၊ ကံ ကံ၏ အကျိုးတရား၊ အနတ္တတရား၊ မဂ်တရား၊ ဖိုလ်တရား စသည်ဖြင့် တူပေမယ့် ဓမ္မအယူအဆမှာ ကွဲလွဲချက် အနည်းငယ် ရှိပါတယ်။
မြတ်စွာဘုရား ဟောကြားသော တရားတော်သည် သွာက္ခာတဂုဏ်နှင့်အညီ အစ၊ အလယ်၊ အဆုံး တိတိကျကျ ပြည့်စုံပြီးသားဖြစ်တယ်။ မြတ်စွာဘုရားရဲ့ တရားတော်၊၀ိနည်းတော်တို့ကို လိုက်နာ ကျင့်ကြံအားထုတ်ခြင်း ပြုဖို့လိုတယ်လို့ ထေရ၀ါဒ ဗုဒ္ဓဘာသာဝင်များက ယုံကြည်ကြပါတယ်။
မဟာယာနဂိုဏ်းဝင်တွေကတော့ မြတ်စွာဘုရားဟောကြားခဲ့တဲ့ တရားတော်ဟာ အရင်းခံမျှသာ ဖြစ်တယ်၊ ယင်းကို အခြေပြုပြီး တီထွင် ကြံဆနိုင်တယ်လို့ ယုံကြည်ကြတယ်။ ပြီးတော့ မြတ်စွာဘုရားအပေါ် သဒ္ဓါယုံကြည်မှုရှိရုံနဲ့ မဂ်ဖိုလ်အထိ အဆင့်ဆင့် ရနိုင်တယ်လို့လည်း ယူဆကြပါတယ်။
Subscribe to:
Post Comments (Atom)
No comments:
Post a Comment